श्रम, रोजगार तथा सामाजिक सुरक्षा मन्त्रालयले टोकन प्रणालीको अन्त्य गरेर आवेदन दिएकै दिन श्रम स्वीकृति प्रदान गर्ने काम सुरु गरेको छ।
मन्त्रालयमा आज बसेको बैठकले आवेदन दिएको दिनमै श्रम स्वीकृति प्रदान गर्ने काम सुरु गर्ने निर्णय गरेको हो। श्रममन्त्री दीपक कुमार साहको उपस्थितिमा बसेको बैठकमा शासकीय सुधारसम्बन्धी एक सय कार्यसूचीहरूमाथि छलफल गरेको थियो।
बैठकले थप ५ मुलुकसँग द्विपक्षीय श्रम सम्झौता विस्तार गर्ने, श्रमिकको न्यूनतम ज्यालाको पूर्ण कार्यान्वयन गर्ने, उत्पादन र उद्यमशीलता प्रवर्द्धन गरी आन्तरिक रोजगारी सिर्जना गर्ने लगायतका १० वटा निर्णय समेत गरेको छ।
