काठमाडौं : अध्यागमन कानुन उल्लंघन गरेको आरोपमा न्युजिल्याण्डले २ नेपालीलाई निष्काशन (डीपोर्ट) गरेको छ। न्युजिल्याण्डको अध्यागमन कानुन उल्लंघन गरेको आरोपमा क्षेत्री र पहारी थरका दुई जनालाई नेपाल ‘डीपोर्ट’ गरिएको स्रोतले बताएको छ।
उनीहरू सिंगापुर एयरलाइन्समार्फत सिंगापुर हुँदै मंगलबार मात्र काठमाडौं आइपुगेका हुन्। उनीहरूले न्युजिल्याण्डको अध्यागमनको कुन-कुन कानुन उल्लंघन गरेका हुन् भन्ने बारेमा खुलाइएको छैन।
पछिल्लो समय न्यूजिल्याण्डलगायतका देशले त्यहाँका विदेशी कामदारहरूको निगरानी बढाउन थालेपछि त्यसको मारमा नेपालीहरू पर्न थालेका छन्।
