चालु आर्थिक वर्ष साउनमा शोधनान्तर स्थिति ९० अर्बले बचतमा पुगेको छ ।
रेमिट्यान्स आप्रवाह र प्रत्यक्ष वैदेशिक लगानी (एफडीआई) मा सुधार आउँदा शोधनान्तर स्थिति सकारात्मक भएको हो ।
चालु आव साउनमा निर्यात ६१.७ प्रतिशत बढेको छ । उक्त अवधिमा ३८ अर्ब ७० करोड बराबर निर्यात भएको छ । साथै, साउनमा १ अर्ब १ करोड बराबर एफडीआई भित्रिएको छ । त्यसैगरी सोही अवधिमा रेमिट्यान्स आप्रवाह पनि २ खर्ब १५ अर्ब रुपैयाँ रहेको छ ।
साउनमा चालु खाता ९४ अर्ब ५९ करोडले बचतमा छ । गत आव सोही अवधिमा चालु खाता ७८ अर्ब २९ करोड बचतमा थियो । अमेरिकी डलरमा गत वर्ष सोही अवधिमा ५६ करोड बचतमा रहेको चालु खाता साउनमा ६२ करोड बचतमा छ ।
