डेढ सातादेखि बन्द युनिलिभर सुचारु

17 February, 2012

मजदुर आन्दोलनका कारण विगत ११ दिनदेखि बन्द हेटौंडास्थित युनिलिभर नेपाल लिमिटेड बहिबारबाट सुचारु भएको छ। तलब-सुविधासहित विभिन्न ६ सुत्रीय माग राख्दै माघ २२ गतेबाट आन्दोलनमा उत्रेका मजदुर, राजनीतिक दल र उद्योग व्यवस्थापनबीच बुधबार हेटौंडामा भएको वार्तामा उद्योग खोल्ने सहमति भएको हो।

उद्योग सञ्चालनसंगै वार्ता प्रकृया अगाडि बढाउन मजदुर र व्यवस्थान सहमत भएपछि उद्योग खुलेको हो। आन्दोलन नरोके वार्ता नगर्ने व्यवस्थापनको अडान र माग पूरा नभए आन्दोलन नरोक्न मजदुरको अडानका कारण उद्योग लामोसमयसम्म खुल्न सकेको थिएन।

उद्योगबाट लाइफब्वाय, लक्स, पेप्सोडेन्ट, फेयर एण्ड लभ्ली लगायतको सामाग्री उत्पादन हुँदै आएको छ।

Subscribe now and receive weekly newsletter updates

© Centre for the Study of Labour and Mobility. 2026