कुवेतबाट विभिन्न कारणले देश निकालाको निर्णय भएका नेपालीहरूलाई बुधबार ल्याइएको छ । हाल कुवेतको हवाई क्षेत्र तथा कुवेत–काठमाडौं नियमित हवाई सेवा बन्द भए पनि विशेष उडानबाट नेपाली नागरिक पठाइएको नेपाली दूतावासले जनाएको छ ।
‘कुवेतको हवाई क्षेत्र र कुवेत–काठमाडौं नियमित हवाई सेवा बन्द रहेको वर्तमान अवस्थामा विविध कारणले कुवेतबाट नेपाल फर्काइनुभएका डिपोर्टी नेपालीहरू र कुवेतमा मृत्यु भएका नाै नेपाली नागरिकको शव कुवेत एयरवेजको सहयोगमा राजदूतावासले बुधबार कुवेत एयरवेजको विशेष उडानमार्फत नेपाल पठाएको छ,’ नेपाली दूतावासले भनेको छ । विशेष विमान भैरहवा विमानस्थलमा अवतरण भएको थियो।
