नेपालगञ्ज उपमहानगरपालिका–१९ भैयापुरस्थित न्यु किसान इट्टा भट्टामा पर्खाल भत्किँदा दुई मजदुरको मृत्यु भएको छ।
साेमबार बिहान करिब ११:२० बजे इट्टा भट्टाको पर्खाल अचानक भत्किँदा ५२ वर्षीय वर्षादी लोधको घटनास्थलमै मृत्यु भएको थियो।
घटनामा गम्भीर घाइते भएका ४५ वर्षीय राम फेरन कोरीको उपचारका क्रममा साउन २० गते बिहान ३:३० बजे मृत्यु भएको प्रहरीले जनाएको छ।
लोधको शव पोस्टमार्टमपछि आफन्तको जिम्मा लगाइएको छ। कोरीको शव पोस्टमार्टमका लागि अस्पतालमा राखिएको छ। घटनाबारे प्रहरीले थप अनुसन्धान गरिरहेको जनाएको छ।
