इजरायलमा अमेरिकी राजदूतसँग बिपिनका आमा र बहिनीको भेटवार्ता

20 August, 2025

खेमराज जम्मर कट्टेल

संयुक्त राज्य अमेरिकाका इजरायलस्थित राजदूत माइक हकाबीले बिपिन जोशीका आमा र बहिनीसँग भेटवार्ता गरेका छन्। राजदूत हकाबीले जोशी परिवारप्रति ऐक्यबद्धता जनाउँदै अपहरित सबै बन्दीहरूको तत्काल रिहाइको लागि दबाब बढाउनुपर्ने बताए।

‘हमासको कब्जामा रहेका प्रत्येक बन्दीलाई तुरुन्त मुक्त गराउन हाम्रो पनि माग छ। हामीले निरन्तर यसप्रति दबाब दिँदै आएका छौं,’ भेटका क्रममा उनले भने।

कृषि अध्ययनका लागि इजरायल पुगेका बिपिन जोशी अझै गाजामा बन्धक अवस्थामा छन्। उनको घटनाले निर्दोष नागरिकहरूले भोगिरहेको पीडा र अन्यायलाई उजागर गरेको छ। यो भेटमार्फत अन्तर्राष्ट्रिय समुदायमा अपहरित सबैलाई सुरक्षित र चाँडो मुक्त गराउनुपर्ने माग पुनः बलियोसँग उठाइएको छ।

Subscribe now and receive weekly newsletter updates

© Centre for the Study of Labour and Mobility. 2026