काठमाडौं : सरकारले भिजिट भिसालाई सहज र व्यवस्थित बनाउने भएको छ। गृहमन्त्रालयमा बिहीबार भएको सर्वपक्षीय छलफलमा भिजिट भिसालाई सहज बनाउने नीति अवलम्बन गरिएको हो।
बैठकमा गृहमन्त्री नारायणकाजी श्रेष्ठ, श्रममन्त्री शरतसिंह भण्डारी र विभिन्न मन्त्रालयका सचिवहरूबीच भएको छलफलले भिजिट भिसामा विदेश प्रस्थानको विद्यमान अवस्थालाई पुनर्विचार गरी थप सहजीकरण र व्यवस्थित गर्ने विषयमा सहमति जुटाएको हो।
यस विषयमा प्रधानमन्त्री पुष्पकमल दाहालसँग परामर्शन लिने र प्रधानमन्त्रीको निर्देशनबमोजिम नयाँ निर्णय गरिने गृह मन्त्रालयले जानकारी दिएको छ। बैठकमा प्राप्त सुझावसहित आवश्यक प्रस्तावको तयारी गर्न गृह मन्त्रीले अध्यागमन विभागलाई निर्देशन दिएका छन्।
