काठमाडौं : पोर्चुगल पठाइदिन्छु भनेर १८ लाख ठगी गर्ने महिला पक्राउ परेकी छन्। पक्राउ पर्नेमा दाङको घोराही उपमहानगरपालिका-१२ घर भई हाल काठमाडौंको सामाखुशीमा बस्दै आएकी ३० वर्षीया मन्जु रावत घर्ती रहेकी छन्।
काठमाडौं उपत्यका अपराध अनुसन्धान कार्यालयको टोलीले उनलाई नयाँ बानेश्वरबाट पक्राउ गरेको हो। पोर्चुगलमा प्रतिष्ठित कम्पनीमा काम लगाइदिने र मासिक एक लाख ५० हजार रुपैयाँ कमाइ हुने आश्वासन दिएर १८ लाख लिएपछि उनी फरार भएकी थिइन्।
पक्राउ परेकी उनलाई थप अनुसन्धानका लागि वैदेशिक रोजगार विभाग पठाइएको कार्यालयले जनाएको छ।
