जलवायु परिवर्तनले रोजगारीमा नयाँ चुनौती र जोखिम: अध्यक्ष कुँवर

30 Oct, 2024

संयुक्त ट्रेड युनियन समन्वय केन्द्र (जेटियुसिसि) का अध्यक्ष योगेन्द्र कुँवरले जलवायु परिवर्तनले श्रम रोजगारीको क्षेत्रमा चुनौती सिर्जना गरेको बताएका छन्।

मंगलबार संयुक्त ट्रेड युनियन समन्वय केन्द्रले काठमाडौंमा जलवायु परिवर्तनले श्रम रोजगार क्षेत्रमा पारेको प्रभाव विषय कार्यक्रममा बोल्दै अध्यक्ष कुँवरले यस्तो कुरा बताएका हुन।

उनले विश्वमा जलवायु परिवर्तनका भएको असरले रोजगारको क्षेत्रलाई प्रत्यक्ष असर परेको बताए। उनले श्रम रोजगारमा जलवायु परिवर्तनका विषयमा सरकारले बेवास्ता गरेको समेत आरोप लगाए।

उनले सरकारलाई दबाब सिर्जना गरी जलवायु परिवर्तनले श्रम रोजगारमा पारेको असरलाई न्यूनीकरण गर्न केन्द्रले विभिन्न कार्यक्रम गर्दै खबरदारी गरेको बताए। उनले जलवायु परिवर्तनको कारण श्रमिकले काम गर्ने समयमा समेत असर परेको बताए।उनले दिउँसोको समयमा काम गर्न नसक्दा बिहान बेलुका काम गर्ने अवस्था रहेको बताए।

पर्वतारोहणको क्षेत्रका श्रमिकलाई थप चुनौती रहेको उनले जानकारी दिए। उनले सवारी साधनमा आएको परिवर्तन,कृषिमा बेमौसममा पानी पर्दा कृषिमा समेत असर परेको बताए। उनले निर्माणको क्षेत्रमा बढी जोखिम भएको बताए। उनले वातावरणीय प्रभावको कारण रोजगारी प्रभावित भइरहेको बताए।

उनले जलवायु परिवर्तनको असरले मजदुरहरूलाई विभिन्न किसिमका रोगहरू लाग्न थालेको बताए।

Subscribe now and receive weekly newsletter updates

Subscribe Now
© Centre for the Study of Labour and Mobility. 2024