तीन हजारलाई पुनः कोरिया लगिने
पहिले नै दक्षीण कोरिया गएर फर्किएका ३ हजार नेपालीलाई पुनः कोरिया लगिने भएको छ।
कोरियाले राम्रो काम गरेर फर्किएका ३ हजारको नाम पठाएपछि पुनः परीक्षाका आधारमा पठाउन लागिएको इपिएस भाषा परीक्षाका निर्देशक कृष्णप्रसाद खनालले बताए।
“परीक्षा यही वैशाख १७ गतेदेखि नै लिने निर्णय गरेका थियौँ, तर बिदा परेका कारण वैशाख १९ गतेदेखि मात्र लिन लागेका छौँ”, खनालले भने, “परीक्षामा लगभग ३ हजार २०० जना सहभागी छन्।” लगभग ५० प्रतिशत पास गरी लैजाने कोरियाको लक्ष्य रहेको उनले जानकारी दिए।
परीक्षा इपिएस कोरियाको नेपाली शाखा, ग्वार्कोमा हुनेछ। परीक्षा एकपटकमा २८ जना गरी दिनको चारपटक लिइनेछ। (रासस)
Published on: 29 April 2018 | Nagarik
GET IN TOUCH