श्रम कार्यालयबाट ३६ बिचौलिया प्रहरी नियन्त्रणमा
सर्वसाधारणलाई वैदेशिक रोजगार विभागको श्रम कार्यालयमा आवश्यकताभन्दा बढी रकम लिने बिचौलियालाई बुधबार प्रहरी परिसरको टोलीले नियन्त्रणमा लिएको छ ।
सेवाग्राहीको अत्यधिक गुनासो आएपछि प्रहरीको टोलीले ताहाचलमा रहेको कार्यालय आसपासबाट पक्राउ गरेको महानगरीय प्रहरी परिसर टेकुका प्रमुख विश्वराज पोखरेलले जानकारी दिनुभयो ।
नियम अनुसार काम गर्न सक्ने वातावरण बिचौलियाका कारण हुन नसकेको गुनासोको आधारमा बुधबार नियन्त्रणमा लिएको प्रमुख पोखरेलको भनाई छ । पक्राउ परेको ३६ लाई सार्वजनिक अपराध अन्तरगत मुद्धा चलाउने तयारी रहेको प्रहरी परिसरले जनाएको छ ।
Published on: 7 March 2018 | Ujyaaloonline
GET IN TOUCH