वैदेशिक रोजगार व्यवसायीको छाता संगठन नेपाल वैदेशिक रोजगार व्यवसायी संघको आसन्न निर्वाचनका कारण चहलपहल बढेको छ। विभिन्न विचारधारामा आवद्ध व्यवसायीले संघको भावी नेतृत्व लिन दौडधुप गरेका कारण चहलपहल बढाएको हो।

 

संघको चुनाव यही असार १७ मा हुँदैछ। अहिलेसम्म नेपाली कांग्रेस, एमालेसमर्थित एवं स्वतन्त्र गरी तीन समूह प्रतिस्पर्धामा उत्रेका छन्।कांग्रेसनजिक रहेको समूहको नेतृत्व बिमल ढकालले र एमालेनजिक रहेको समूहको नेतृत्व सरोजकुमार पोखरेलले गरेका छन्। यस्तै स्वतन्त्र पक्षबाट उमेदवारी दिने समूहको नेतृत्वमा किरण किशोर घिमिरे छन्। प्रत्येक समूहले व्यवसायीलाई

 

आफ्नो पक्षमा पार्न आकर्षक नारा दिएका छन्। सबै समूहले व्यावसायिक र पेसागत सुरक्षामा ध्यान दिँदै, व्यवसायलाई मर्यादित बनाउने, वैदेशिक रोजगार विभागबाट हुने समस्या समाधान गर्नेलगायत प्रतिबद्धता जाहेर गरेका छन्।