तोयानाथ भट्टराई 

चोरी आरोपमा २३ महिनादेखि साउदी जेलमा रहेका माई नगरपालिका दानाबारीका प्रेमबहादुर राईका परिवारजन कष्टकर जीवन बिताइरहेका छन्। पुरानो हुँदै गएको घर र सात दशक नाघेका सासूससुरा, दुई छोराछोरी सम्हाल्दै बसेकी सरिता राई पति सम्झिएर भावुक बन्छिन्। ‘कमाउने मान्छे नै जेलमा परेपछि अहिले घर चलाउन समस्या छ’, उनले भनिन्।

प्रेमबहादुरका पिता ७२ वर्षीय लोकबहादुरले आफ्नो छोराको रिहाइका लागि पहल गरिदिन सबैलाई आग्रह गरेका छन्। घरमा नयाँ व्यक्ति आउँदा पनि छोराको सुखद खबर आयो कि भन्ने उनलाई लाग्दो रहेछ।