नेपाल वायु सेवा निगमका अधिकृत होमनाथ पोखरेललाई प्रहरीले पक्राउ गरेको छ। काठमाडौं उपत्यका अपराध अनुसन्धान कार्यालयले मंगलबार दिउँसो पोखरेललाई पक्राउ गरेको हो।

प्रहरीले उनलाई नक्कली कागजात एवं प्रमाणपत्र बनाएर भिजिट भिसामा खाडी मुलुक पठाइदिएको आरोपमा पक्राउ गरेको बताएको छ।

नक्कली कागजात एवं प्रमाणपत्र बनाएर भिजिट भिसामा विदेश पठाएको आरोपमा अपराध अनुसन्धान कार्यालयले अहिलेसम्म २५ जनालाई पक्राउ गरेको छ।

Published on: 13 December 2023 | Nagarik