लडेर मजदुरको मृत्यु
राजेन्द्र कार्की
जाजरकोट–डोल्पा सडकको चिसापानी बैरीताल पुल निर्माण गर्ने क्रममा लडेर एकजना मजदुरको मृत्यु भएको छ । बारा जिल्ला गढीमाई १५ का २५ वर्षीय सूर्य लामाको मृत्यु भएको हो ।
रुकुम र जाजरकोट जिल्ला जोड्ने सडक पुलको काम गरिरहेका लामा लडेर गम्भीर घाइते भएका थिए । उपचारका लागि जिल्ला अस्पताल जाजरकोट ल्याउने क्रममा उनको बाटोमै मृत्यु भएको जिल्ला प्रहरी कार्यालय जाजरकोटका प्रमुख भावेश रिमालले जानकारी दिए ।
मृतक लामा एक महिनादेखि पुल निर्माणका काममा संलग्न थिए ।
Published on: 31 March 2018 | Annapurna Post
GET IN TOUCH