देवेन्द्र सम्बाहाम्फे

रोजगार अनुमति प्रणाली (ईपीएस) मार्फत काम गर्न यहाँ आएकाहरूलाई तोकिएभन्दा अन्य कम्पनीमा सार्न सक्रिय दलाललाई सरकारले कारबाही गर्ने भएको छ । कमिसन लिएर विदेशी कामदारलाई कम्पनी परिवर्तन गर्न सहयोग गरेको सूचना मन्त्रालयमा आएपछि कारबाही प्रक्रिया अघि बढाइएको हो । श्रम मन्त्रालयका जनशक्ति नीति ब्युरोका निर्देशक ली थे हीले यस्ता दलाललाई नियन्त्रण गर्न कानुनी प्रक्रिया अघि बढाउने चेतावनी दिएका छन् । 'ईपीएसअन्तर्गत आएका कामदारलाई माग र छनोट गर्ने अधिकार मन्त्रालयअन्तर्गतका कार्यालयबाहेक अन्यलाई छैन,' निर्देशक थेले भनेका छन् ।