s
रोजगारीका लागि जापान जाने युवाहरूलाई निःशुल्क परामर्श सेवा दिँदै आएको प्लेन्टिको शाखा काठमाडौंमा स्थापना भएको छ। जापानमा रोजगार सम्बन्धी सेवामा काम गर्दै आएको प्लेन्टिले बानेश्वरको शंखमुलमा शाखा स्थापना गरेको हो। शनिबार एक कार्यक्रमकाबीच प्लेन्टि कम्पनी अध्यक्ष एवंम प्रमुख कार्यकारी अधिकृत रयोता अवाले शाखा उद्घाटन गरे।
पछिल्लो समय नेपालबाट कामको खोजिमा जापान जाने श्रमिकहरूको संख्या बढ्दो क्रममा देखिएपछि आवश्यक परामर्शका लागि प्लेन्टि शाखाको स्थापना गरिएको नेपाल शाखा प्रमुख ज्ञानेन्द्र भट्टले बताए।
‘करिब एक लाख २० हजार नेपाली जापानमा छन्। आवश्यक परामर्श नभएका कारणले रोजगारीको बाहानामा ठगीमा पर्ने घटना छन्। प्लेन्टिमार्फत् जापानमा रोजगारी सम्बन्धी आवश्यक परामर्श काठमाडौंमा निशुल्क उपलब्ध गराउनेछौं,’ भट्टले भने।
प्लेन्टिले जापानमा आवश्यक कामदार, कामको प्रकृति, आवश्यक कागजात, जाने प्रक्रिया लगायतका विषयमा निःशुल्क परामर्श उपलब्ध गराउँछ।
Published on: 27 February 2023 | Setopati
GET IN TOUCH