हुलास स्टीलले हिप्को सुपरबिल्ड स्टिल फ्याब्रिकेशन तालिम तथा रोजगार कार्यक्रम सञ्चलन गरिरहेको छ। नेपालको श्रम बजारको प्रमुख चुनौतीहरूलाई समाधान गर्न बेलायत सरकारद्वारा सहयोगस्वरूप रोजगारका लागि सीप कार्यक्रम नेपालको लुम्बिनी र मधेश प्रदेशमा कार्यान्वयन हुँदै आएको छ।

उक्त कार्यक्रमले ४५ हजार नेपालीहरूको जीविकोपार्जन उन्नत बनाउने काम गर्दै आइरहेको कम्पनीको दाबी छ। कार्यक्रमलाई दिवाकर गोल्छा कर्पोरेशन अन्तर्गत हुलास स्टिल उद्योग लिमिटेड र हिप्को सुपरबिल्डले संयुक्त रूपमा कार्यान्वयन गर्दै आइरहेका छन्। यसको साझेदारी नेपाल उद्योग परिसंघ र मेक ईन नेपाल (स्वदेशी) अभियानले गरेको हो। कार्यक्रमले १ हजार ३ सय ४८ जनालाई श्रम बजारको माग अनुरूप तालिम र रोजगार दिन लागेको जनाएको छ।

Published on: 21 June 2023 | Nagarik