भीमकुमार बाँस्कोटा

फिदिम नगरपालिका–४ डाँडागाउँका ३५ वर्षीय चूडामणि बाँस्कोटाले वैदेशिक रोजगारीका क्रममा बाँया हातको पञ्जा गुमाए। २०६२ सालमा मलेसियाको बालकङस्थित वेलसन इन्जिनियरिङ कम्पनीमा काम गर्ने क्रममा मेसिनले हात किचिएपछि उनी अपांग भए। मेलेसिया पुगेर काममा लागेको दुई महिनामा हात गुमाउनु परेको उनले बताए। गरिखाने हात गुम्दा उनलाई अत्यधिक पीडा भयो। हात गुमे पनि आत्मबल उस्तै थियो। केही गर्ने अठोटकै कारण उनी अहिले सफल उद्यमी बनेका छन्। बाँस फर्निचर उद्योग सञ्चालन गरेर बाँस्कोटाले राम्रो आम्दानी गर्दै आएका छन्।