s
रंजन भण्डारी
धादिङको धुनीबेसी नगरपालिका– ३ स्थित एक इँटाभट्टामा काम गर्ने तीन सय ५० जना मजदुर महोत्तरीको बर्दिबास आइपुगेका छन् । उनीहरू सातवटा बसमार्फत आएका हुन् ।
लकडाउनको समय इँटाभट्टा बन्द भएपछि उनीहरू आफ्नो घर फर्केका हुन् ।
हाल उनीहरूलाई होम क्वारेन्टाइनमा बस्ने सर्तमा छोडिएको र निरन्तर प्रशासनको निगरानीमा राखिएको महोत्तरीका प्रमुख जिल्ला अधिकारी सूर्यबहादुर खत्रीले वताए ।
यति धेरै संख्यामा आएका मजदुरलाई राख्ने क्वारेन्टाइनको अभाव रहेको तथा स्वास्थ्य परीक्षणसमेत गर्दा सबैको अवस्था सामान्य देखिएपछि १४ दिन होम क्वारेन्टाइनमा बस्ने सर्तमा घर जान दिइएको उनले बताए ।
महोत्तरी फर्केका सबै बर्दिबास नगरपालिका वडा नं. ५, १० र ११ का बासिन्दा हुन् । झन्डै आधाजति महिला र बालबालिका रहेको जिल्ला प्रहरी कार्यालयका प्रवक्ता डिएसपी माधवप्रसाद बुढाथोकीले वताए ।
मजदुर लिएर आएका सातवटै बस र तिनका चालकलाई प्रहरीले अनुमति पास नभएको भन्दै नियन्त्रणमा लिएको छ ।
Published on: 2 April 2020 | Nayapatrika
GET IN TOUCH