विदेश पठाइदिने भन्दै ४८ लाख ८० हजार ठग्ने दुई पक्राउ
दिवाकार झा
कुवेत पठाइदिने भनेर ४८ जना ठगेको आरोपमा परमेश्वर सिंह र उमेश कटुवाललाई प्रहरीले पक्राउ गरेको छ । सर्लाहीको हरिवन नगरपालिकाको मोहनपुरका परमेश्वर र बरथहवाका उमेशले कुवेतमा ड्राइभरको काममा पठाउने भन्दै ४८ जना मध्ये १४ जनासँग २० हजार रुपैयाँका दरले लिएका थिए ।
बाँकी ३६ जनासँग एक लाख २५ हजार गरी ४८ लाख ८० हजार रुपैयाँ लिएको पीडितले बताएका छन् । उनीहरुले सोमबार उडान हुन्छ भनेर पीडितलाई काठमाडौं बोलाएका थिए । तर काठमाडौंमा गएर फोन गर्दा परमेश्वर र उमेशको फोन नलागेपछि पीडितले दिएको उजुरीको आधारमा उनीहरुलाई पक्राउ गरिएको हो ।
उनीहरुले ४८ जनालाई नै बजाज ओभरसिज प्रालिबाट कुवेत पठाउने बताएका थिए । तर यो म्यानपावरको बारेमा बुझ्दा २०६५ सालमा नै खारेज भएको वैदेशिक रोजगार विभागले जनाएको छ । परमेश्वर र उमेशले ४८ जनालाई नै बजाज म्यानपावरको नाममा पैसा लिएको रसिद काटेका छन् ।
Published on: 20 March 2018 | Ujyaaloonline
GET IN TOUCH