अशोक पहाडी

सरकारले दुई हप्तासम्म विद्यार्थी भर्ना अभियान सञ्चालन गरे पनि रौतहटमा त्यसको प्रभाव परेको छैन । अहिले पनि रौतहटका सयौँ बालबालिका विद्यालय भर्ना भएका छैनन् । पूर्व–पश्चिम राजमार्गको व्यस्त बजार चन्द्रनिगाहपुरमा दर्जनौँ बालक श्रमिकका रूपमा काम गरिरहेका छन् ।

आर्थिक अवस्था कमजोर भएका उनीहरू सडकमा गुड्ने सवारीसाधनका यात्रुलाई पानी, नरिवललगायतका सामान बेचेर जीविका चलाइरहेका भेटिन्छन् । त्यसरी काम गर्नेमा बढीजसो बालक छन् । उनीहरूलाई विद्यार्थी भर्ना अभियानले छुन सकेको छैन ।