महिना दिनदेखि बेपत्ता श्रीअन्तुका दुई बालिकालाई भारतको पश्चिम बंगालस्थित सिलिगुडी सहरबाट उद्धार गरिएको छ । इलाका प्रहरी पशुपतिनगर र माइती नेपालले १३ वर्षीया लक्ष्मी दर्जी र ११ वर्षकी मुना दर्जीको उद्धार गरेको हो । घरायशी समस्याका कारण हिँडेका दिदीबहिनीलाई सिलिगुडीको मोतीगडा प्रहरीले सडकबाट नियन्त्रणमा लिई स्थानीय चाइल्ड ल्यान्ड भन्ने संस्थालाई बुझाएको थियो । बालिका त्यहाँ भएको थाहा पाएपछि उनीहरूलाई ल्याएको माइती नेपाल, पशुपतिनगरका संयोजक होम ढकालले जनाए ।