तपाईं रोजगारीका लागि विदेश जाँदै हुनुहुन्छ, वा स्वदेशमा केही पेशा व्यवसाय गरौं भन्ने सोचमा हुनुहुन्छ भने वैदेशिक रोजगार प्रवर्द्धन बोर्डले दिने विभिन्न तालिममा सहभागी भएर फाइदा उठाउन सक्नुहुन्छ । 

 

तत्कालका लागि बोर्डले दिएको पेशागत तालिमका लागि एक वर्षे छात्रवृत्तिमा सहभागी हुन सक्नुहुन्छ । आवेदन खुल्ला छ । 

 

बोर्डले प्राविधिक शिक्षा तथा व्यवसायिक तालिम परिषद् (सिटिइभिटी)सँग समन्वय गरी मोटरसाइकल मेकानिक्स, प्लम्बर, वेल्डर, कुक र आल्मुनियम कार्पेन्टर गरी पाँच विधामा छात्रवृत्ति दिन लागेको हो । आर्थिक वर्ष २०७४÷७५ मा दुई सय जनाले छात्रवृत्ति पाउने छन् । प्रत्येक विधामा ४० जनाले छात्रवृत्ति पाउने व्यवस्था गरिएको छ । 

 

छात्रवृत्ति वैदेशिक रोजगारीका सिलसिलामा मृत्यु भएका वा अंगभंग तथा गम्भीर विरामी भई बोर्डबाट शतप्रतिशत आर्थिक सहायता पाएका कामदारको परिवारका सदस्यलाई छात्रवृत्ति उपलब्ध गराइनेछ । 

 

बोर्डबाट पाइने अरु छात्रवृत्ति इन्फोग्राफमा हेर्नुहोस्