श्यामशितल परियार

लमजुङमा बर्सेनि सम्बन्ध विच्छेदका घटना बढ्दै गएको छ । लमजुङ जिल्ला अदालतको तथ्यांक अनुसार बर्सेनि १ सयभन्दा बढी दम्पत्तिले सम्बन्धविच्छेद गर्ने गरेका छन् । आर्थिक वर्ष २०७४/७५ मा अदालतमा दर्ता भएका २०७ थान मुद्धामा सबैभन्दा बढी सम्बन्ध विच्छेदकै घटना छन् । जिल्ला अदालतमा दर्ता भएका ८६ वटा मुद्धा सम्बन्ध विच्छेदको रहेका छन् । सम्बन्ध विच्छेदका ६४ वटा मुद्धा फर्स्याैट भएका छन् । २२ वटा मुद्धा फर्स्याैट हुन बाँकी छ । विहीबार जिल्ला अदालतमा आयोजित पत्रकारसँगको अन्तरक्रिया कार्यक्रममा अदालतले यस्तो जानकारी गराएको हो ।