उनको पार्थिव शरीर अर्को हप्ता नेपाल पठाउन एनआरएन क्वीन्सल्यान्डले पहल गरिरहेको महासचिव नारायण कोइरालाले जानकारी दिए। प्रहरीले बताए अनुसार मृतक स्थापितले लामो सुसाइड नोट समेत लेखेर आत्महत्या गरेको प्रारम्भिक अनुसन्धानमा खुल्न आएको छ। उनको डेथ सर्टिफिकेट नआएसम्म पार्थिव शरीरलाई नेपाल पठाउन नसकिने भएकोले प्रक्रियामा केही दिन लाग्ने र आवश्यक खर्चका लागि एनआरएन क्वीन्सल्यान्डले सहयोग जुटाउन समेत पहल सुरू गरेको एनआरएन अस्ट्रेलियाका महासचिव नारायण कोइरालाले बताए।

 

हाल करिब तीस हजार नेपाली विद्यार्थी अस्ट्रेलियामा विभिन्न तहमा अध्ययनरत रहेको तथ्यांकले देखाएको छ। जुन संख्या अस्ट्रेलियाको शिक्षा उद्योगको तेस्रो ठूलो संख्याका रूपमा रहेको छ। निकै ठूलो संख्यामा रहेको नेपाली विद्यार्थीमध्ये कतिपय यहाँको परिस्थिति र अवस्था नबुझिकन आउँंदा हतोत्साहित भएर गलत निर्णय गर्ने गरेको पछिल्ला घटनाक्रमले देखाएको छ ।