एक पाकिस्तानीको हत्या अभियोगमा उमेश यादवलाई मृत्युदण्ड सुनाइएको हो । उनको उमेर, घर, ठेगानालगायत विवरण खुलेको छैन । साउदी विदेश मन्त्रालयले ५ दिनअघि अरबी भाषामा पठाएको पत्रमा यादवको नाम र मृत्युदण्ड सुनाइएको मात्र उल्लेख रहेको दूतावासले जनाएको छ । कुन अदालतले कहिले फैसला गरेको हो भन्ने उल्लेख छैन । 

 

दूतावासले यादवबारे रियादस्थित पाकिस्तानी दूतावास र जेलमा बुझ्न थालेको राजदूत उदयराज पाण्डेले जनाए । दूतावासका द्वितीय सचिव सागरप्रसाद फुयालले स्थानीय कर्मचारीबाट जानकारी पाएअनुसार हत्या दुई वर्षअघि साउदीको पूर्वी भेग जबेल भन्ने ठाउँमा भएको थियो । यादव अहिले त्यही ठाउँको जुबेल कारागारमा छन् ।