Home / News

७ महिनादेखि साउदी अरबमा २३ नेपाली अलपत्र

टेकराज थापा

वैदेशिक रोजगारीका लागि साउदी अरब पुगेका २३ नेपाली ७ महिनादेखि अलपत्र परेका छन् । काठमाडौंस्थित प्रिंस अन्तरराष्ट्रिय रोजगार सेवा प्रा.लिबाट ७ महिना अघि साउदी अरब पुगेका उनीहरू बिचल्लीमा परेका हुन ।

साउदी अरबस्थित इम्प्राटोर सोलुशन कन्ट्रयाक्टिङ इस्ट कम्पनीमा कामदारको रूपमा अएका उनीहरूलार्इ कम्पनीले अस्वीकार गरिदिएको छ । आएदेखि नै उनीहरूलार्इ अहिलेसम्म कम्पनीले न त खानाका लागि पैसा दिएको छ त ज्याला । २३ जना नेपालीहरू अहिले कष्टकर जीवन बिताउन बाध्य भएका छन् ।

पीडित रामजतन कामती भन्छन,’आएको भोलिपल्टबाट काम आज दिन छु भोलि दिन्छु भन्दै आज ७ महिना बितिसक्दा पनि हामीले कम्पनीबाट केही पाएका छैनौ, हामीहरुको पनि घरमा बालबच्चा परिवारलाई छोडेर उनीहरुको उज्ज्वल भबिस्यको लागि बिदेश आइयो न त माम खान पाइयो न त काम ।’

उनले आफूहरू घर फर्कन चाहेको भएपनि कम्पनीले कुनै चासो नदेखाएको भन्दै दुःख व्यक्त गरे । उनले राम्रोसँग खाना खान समेत नपाएको बताएका छन् ।

केही राहत मिल्छ कि भन्ने हेतुले नेपाली दूतावासमा पटपट गएतापनि कुनै आश्वासन नपाएको र साउदी अरबको लेबरकोटमा सम्पर्क गर्दा पनि कुनै सुनुवाइ नभएकोमा पीडितहरुले बताए ।

पीडित मध्येका उमेश उरावले अफूहरूलार्इ पटकपटक पुलिसले पक्राउ गर्दै छोड्ने गरेको बताए । उनीहरूलार्इ प्रहरीले अहिलेसम्म ४ पटक समातिसकेको छ ।

म्यानपावरमा सम्पर्क गर्दा पनि कुनै सहयोग नपाएको भन्दै उनले एउटा सानो कोठामा अहिले सबैजना कष्टकर जीवन बिताउन बाध्य भएको बताए । पीडितहरुले सहयोग गरिदिनका लागि नेपाल सरकार तथा सम्बन्धित निकाय सबैलाई अपील गरेका छन् ।

पीडितहरुले नेपाल फर्कनका पहल गरिदिन विभिन्न सामाजिक संघसंस्थालार्इ समेत अग्रह गरेका छन् । पीडितहरूलार्इ +966 57 859 3786 नम्बरमा सम्पर्क गर्न सकिनेछ ।

अलपत्र पर्नेहरु

राम जतन कामती-सिरहा

युधिर कामती-लक्ष्मीपुर पतारी- १, सिरहा

रामकुमार उराव-महनौर अर्नामा-१,सिरहा

देबकुमार उराव-महनौर अर्नामा-१ सिरहा

परमेश्वर उराव-महनौर अर्नामा-१ सिरहा

प्रभातकुमार उराव-महनौर अर्नामा-१ सिरहा

सन्जू उराव-महनौर अर्नामा-१ सिरहा

रंजीत उराव-महनौर अर्नामा-१ सिरहा

संजयकुमार उराव-महनौर अर्नामा-१ सिरहा

नबीनकुमार उराव-महनौर अर्नामा-१ सिरहा

सगमलाल उराव-महनौर अर्नामा-१ सिरहा