बसुन्धरास्थित दि सेन्टर ओभरसिज कन्सर्न प्रालिकी जनसम्पर्क व्यवस्थापक बालकुमारी राई कामदारसँग तोकिएकोभन्दा बढी शुल्क उठाउँदा-उठाउँदै पक्राउ परेकी छिन् ।
एक कतार जाने कामदारसँग ९० हजार अतिरिक्त रकम लिँदै गर्दा उनी पक्राउ परेकी हुन् । कामदारसँग बढी रकम मागेको जानकारी पाएपछि वैदेशिक रोजगार विभागको अनुगमन टोली खटिएको थियो ।
शाखा अधिकृत माधवप्रसाद ढकालको नेतृत्वमा गएको टोलीले रंगेहात राईलाई पक्राउ गरेको हो । यसबारे छानविन गर्न इन्दु घिमिरेलाई अनुसन्धान अधिकृत तोकिएको विभागले जनाएको छ ।
