s
Year of Publication: 27 April 2012 | Kantipur
Publication Type: NEWS
Published by: CESLAM
कम्पनीको लापरबाहीका कारण मलेसियामा भिसाविहीन अवस्थामा अलपत्र पारिएका ५८ नेपाली कामदारले अर्को काम पाएका छन् | दुई महिना अघिदेखि अलपत्र उनीहरूलाई डेढ महिना लामो प्रयासपछि एनएस मेबिक नामक अर्को कम्पनीले कामको प्रबन्ध मिलाएको छ । यहाँस्थित दूतावासका श्रम सहचारी अमलकिरण ढकालले जनाएअनुसार यहाँको गृह मन्त्रालय र श्रम विभागसँगको लामो छलफलपछि पीडितहरूले न्याय पाएका हुन् ।
'एनएस मेबिकले अलपत्र सबैलाई काम दिलाउन आफू इच्छुक भएको भन्दै गृह मन्त्रालयसमक्ष अनुमति मागेको थियो । यसबारे हामीले यहाँको श्रम विभागमा पनि छलफल गर्यौं । त्यसपछि गृहले एनएस मेबिकलाई अनुमति दिएलगत्तै उनीहरू काममा फर्किएका छन् । भिसाविहीन भएकाहरूको पनि भिसा मिल्ने भयो,' श्रम सहचारी ढकालले बिहीबार भने, 'बल्ल उनीहरूले न्याय पाए ।'
नेपालीसहित अलपत्र सबै भियतनामीसमेत काममा फर्किएका छन् । पहिले उनीहरू कार्यरत 'आस्माना' कम्पनीले 'फेवेर' नामक कम्पनीसँगको १ वर्षे सम्झौतामा ती ५८ नेपाली युवाहरूलाई पेनाङस्थित विभिन्न सरकारी अस्पातालहरूमा क्लिनरको काममा लगाएको थियो । फेवेरसितको करार-सम्झौता सकिएलगत्तै त्यहाँ कार्यरत सबै नेपालीसहित भियतनामीहरू अलपत्र परेका थिए ।
न्याय पाएपछि जुरुस्थित सुरक्षित गृहबाट काममा फर्किएका पीडितमध्येका एक कृष्णकुमार श्रेष्ठले बिहीबार भने, 'म सहित २४ जना एकै ठाउँमा छौं, अरू साथीहरू विभिन्न तीन ठाउँमा छन् । पुरानै सम्झौतापत्र तलब-सुविधाअनुसार, हामी सबैले काम थालिसकेका छौं ।' पुरानो सम्झौतापत्रमा दैनिक १२ घन्टा काम गर्नुपर्ने र मासिक न्यूनतम तलब ९ सय ७१ रिंगेट दिने उल्लेख छ ।
युवाद्वारा आत्महत्या कोतारायस्थित परदेशी रेस्टुरेन्ट अवस्थित चारतले भवनमाथिबाट हामफालेर बिहीबार ताप्लेजुङका शेरबहादुर लिम्बूले आत्महत्या गरेका हुन् । करिब २६ वर्षीय लिम्बू केही वर्षअघिदेखि यहाँ बस्दै आएका थिए ।
Published on: 27 April 2012 | Kantipur
GET IN TOUCH