s
Year of Publication: 15 August 2018 | Onlinekhabar
Publication Type: NEWS
Published by: CESLAM
मलेसियाले नेपाली कामदार लैजाने प्रक्रियामा बायोमेट्रिक गर्ने कम्पनी ‘बेस्टिनेट एसडीएन बीचडी’लाई निलम्बन गरेको छ । काकदारसँग अनाधिकृत रुपमा धेरै रकम असुलेर ‘मनी लौन्ड्रिङ’मा मुछिए पछि कम्पनीलाई त्यहाँको सरकारले नेपाली कामदारको भिसा प्रक्रियाबाट अलग गरिएको हो ।
यो कम्पनीले नेपालमा ३९ वटा मेडिकलहरुलाई एजेन्ट तोकेर कामदारको स्वास्थ्य परीक्षण र बायोमेट्रिकमा एकाधिकार कायम गरेको थियो । योसँगै अब कामदार लैजाने प्रक्रियालाई मलेसियाका तर्फबाट पनि बन्द भएको छ ।
मलेसियाले यसअघि नै ठगी प्रकरणमाथि अध्ययन थालेको थियो । अब मलेसियाले घुमाउरो रूपमा नेपालले उठाएको ठगीको मुद्दालार्इ स्वीकारेको छ ।
बायोमेट्रिक, भीएलएन, आईएससी, ओएससी लगायतका संयन्त्रमार्फत कामदार ठगिएपछि नेपालले एकतर्फीरुपमा मलेसियामा कामदार नै पठाउन बन्द गरेको थियो ।
विवादमा मुछिएपछि बायोमेट्रिकवाला संस्थालाई निलम्बन गरेको मलेसियाली मानव संशाधनमन्त्री एम कुलासेगरनले जानकारी दिएका छन् । उनले केही दिनभित्रै मन्त्रिपरिषदबाट स्वीकृति पाएपछि नेपालसँग समस्या समाधानका लागि समझादरी (एमओयू) हुने बताएका छन् ।
मन्त्री कुलेसागरन आफैं यसका लागि नेपाल आउने तयारी छ । मलेसियाका प्रधानमन्त्री महाथिर महोम्मदले पनि नेपालसँग सरकारीस्तरमा छिट्टै एमओयू हुने बताएका छन् ।
Published on: 15 August 2018 | Onlinekhabar
GET IN TOUCH