घरेलु कामदारको श्रम स्वीकृति खुल्ने जानकारी अाएको छः अधिकारी
Year of Publication: 10 February 2018 | Onlinekhabar
Publication Type: NEWS
Published by: CESLAM
प्रकाश ढकाल
घरेलु कामदारहरुका लागि खुशीको खबर नेपाली दूतावास युएईकी द्वितीय सचिव बिष्णुकुमारी अधिकारीले घरेलु कामदारहरुलाई पुनः रोजगारीमा फर्कन श्रम स्वीकृति खोल्न सक्ने बताएकी छिन् । यो प्रक्रिया बन्द गरेका कारण थुप्रै घरेलु कामदार आफ्नो बिदामा पनि नेपाल जान पाइरहेका छैनन् ।
द्वितीय सचिव अधिकारीले नेपाल सरकारले १/२ महिनाभित्रैमा श्रम खोल्ने जानकारी आफुलाई प्राप्त भएको बताएकी छिन् । स्याङ्जा सहयोग समाज युएईको सातौ बार्षिक उत्सबमा आयोजित कार्यक्रममा सचीव अधिकारीले श्रम खुल्न लागेको बताएकी हुन । फेब्रुअरी ९ तारिख शुक्रबार युएईको वर दुबई स्थित सिल्भर स्पोन रेस्टुरेन्टमा समाजको सातौ वार्शिकोत्सब भब्यताका साथमा सप्पन्न भएको छ ।
नेपाली दूतावास आबुधाबीकि द्वितिय सचिब बिष्णुकुमारी अधिकारीको प्रमुख आतिथ्यता सम्पन्न उक्त बार्षिक उत्सबका सभापती संस्थाका अध्यक्ष खगेन्द्र गैह्रे थिए।
कार्यक्रम जन्मदिनको केक काटी राष्ट्रिय गानको धुन लगत्तै संस्थाका प्रबक्ता जीवन पंगेनीको स्वागत मन्तब्य बाट शुरु भएको थियो । कार्यक्रममा एनआएनए युएई , नेपाली समाज , पर्बत सेवा समाज , नेपाली कलाकार समूह , नेपाल पत्रकार महासंघ युएई , पाल्पाली समाज तथा धेरै जिल्लागत संस्थाहरुका प्रतिनिधिहरुको उपस्थिति रहेको थियो ।
जिल्लागत संस्थाहरुको तर्फबाट पाल्पाली समाजकी प्रथम उपाध्यक्ष ओमकुमारी खांडले छिमेकी जिल्ला तथा स्याङ्जा सहयोग समाज तथा अन्य संघसंस्थामा पाल्पालि समाज को सम्बन्ध कायम रहने बताएकी थिइन ।
कार्यक्रममा चन्द्रप्रसाद सापकोटा , रमेश श्रेष्ठ , गोबिन्द भट्टराई , कृष्ण प्रसाद न्यौपाने , भुपती न्यौपाने , भुपराज बश्याल , लक्ष्मण खनाल, बाबुराम बिश्वोकर्मा, राजु पाण्डे , लेखनाथ न्यौपाने , एकेन्द्र बहादुर थापा लगायत अन्य संघस्स्थाका प्रतिनिधि हरुले शुभकामना मन्तब्य दिएका थिए ।
संस्थाका महासचिव ओमकार पोख्रेलले संस्थाको सांगठनिक प्रतिबेदन प्रस्तुत गर्दै गर्दा संस्थाले नयाँ कार्येकालमा गरेका कामहरु सुनेर उपस्थित सबैको सन्तुष्टि देखिन्थ्यो ।
कार्यक्रममा संस्थाका प्रबक्ताले घरेलु महिला कामदारको समस्या को बारेमा बताउदै नेपाली राजदुतावास आबुधाबी कि द्वितिय सचिब बिष्णु कुमारी अधिकारीले केही महिलाहरु कम्पनीको भिसा लिएर घरमा काम गरिरहेको तथ्य पनि सार्वजनिक गरिन । कम्पनीको भिसा लाएर घरमा काम गर्नु स्थानीय कानुनको बिपरित भएको स्मरण गराउदै उक्त कार्य गलत भएको बताईन । यहि सिलसिलामा उनले अबको १-२ महिनामा घरेलु महिलाको श्रम खुल्ने पनि बताईन ।
कार्यक्रममा समाजको स्थापना कालदेखि अहिलेसम्म संस्थामा आईपरेका समस्याहरुसंग जुध्दै यो स्थान सम्म ल्याई पुर्याउने अग्रजहरु तथा आजिवन सदस्यहरुलाई मांयाको चिनो तथा सम्मान पत्र प्रदान गरिएको थियो ।
कार्यक्रमको बिचबिचमा सांङीतिक माहोल झल्काउदै गायकहरु गोपिकृष्ण पंगेनी , छबिकिरण भट्टराई , नरेन सापकोटा , एल पि स्याङ्जालि तथा हिमाल सुनारले कार्यक्रम लाई भब्य बनाउदै सम्पुर्ण दर्शकलाई नचाएका थिए।
Published on: 10 February 2018 | Onlinekhabar
GET IN TOUCH