s
Year of Publication: 24 January 2024 | Setopati
Published by: CESLAM
अध्यागमन विभागले भिजिट तथा पर्यटक भिसामा विदेश यात्रा गर्ने नेपालीलाई यात्रा परामर्श (ट्राभल एड्भाइजरी) जारी गरेको छ।
विभागले मंगलबार वेबसाइटमार्फत उक्त एड्भाइजरी जारी गरेको हो। जसमा भिजिट भिसामा विदेश जाँदा समयमै स्वदेश फर्किन्छु भनेर स्वघोषणा गर्नुपर्ने उल्लेख छ।
‘भिजिट भिसामा गएका नेपालीहरू उल्लेखित मितिमा फर्केने गरेको नपाइएकाले असामान्य परिस्थिति बाहेक अन्य अवस्थामा तोकिएको मितिभित्र स्वदेश फर्कनु होला,’ सूचनामा भनिएको छ, ‘अन्यथा यसबाट सिर्जना हुने अवस्थाका सम्बन्धमा व्यक्ति स्वयं जिम्मेवार हुने हुनाले समयमै स्वदेश फर्कनेछु भनी स्व:घोषणा गरेर मात्र प्रस्थान गर्नु हुन अनुरोध गरिन्छ।’
विदेश जानुअघि उक्त देशको भाषा, संस्कृति र कानुनसम्बन्धी सामान्य जानकारी राखेर मात्र भ्रमण गर्न पनि अनुरोध गरेको छ।
भिजिट भिसामा नक्कली कागजात, झुट्टा विवरण समेत तयार पारी द्वन्द्वग्रस्त मुलुकसम्म पुगेर अलपत्र पर्ने गरेको भन्दै अध्यागमन विभागले सचेत रहन अनुरोध गरेको छ।
भारत र बेलायती सेनामा सरकारको स्वीकृतिमा भर्ना हुने बाहेक अन्य देशका सेना वा सशस्त्र समूहमा भर्ना हुने गैरकानुनी र राष्ट्रहित विपरीत भएको भन्दै यस्ता काममा जाने व्यक्तिको उद्धार गर्न कठिन हुने भन्दै यसमा संलग्न नहुन अनुरोध गरेको छ।
Published on: 24 January 2024 | Setopati
GET IN TOUCH