s
वैदेशिक रोजगार विभागले म्यानपावर कम्पनीहरुमा छापा मार्ने क्रम तीव्र पारेको छ । आइतबार ललितपुरको कुपण्डोलस्थित नेपालकै ठूलो म्यानपावरमा गनिने प्याराडाइज इन्टरनेशनल म्यानपावर कम्पनीमा विभागले छापा मारेको हो । युएई जान लागेका कामदारसँग बढी शुल्क लिएको सूचना पाएपछि विभागको टोली पुगेको थियो । टोलीले कामदारसँग तोकिएको भन्दा धेरै शुल्क उठाइरहेको रंगेहात फेला पारेको छ ।
क्लिनरका रुपमा पठाउन लागिएका कामदारसँग कम्पनीले १ लाख भन्दा बढी रकम मागेको थियो । विभागले अनुसन्धानका लागि म्यानपावरका विभिन्न कागजात नियन्त्रणमा लिएको छ ।प्याराडाइज म्यानपावर कम्पनी गत वर्ष सबैभन्दा धेरै कामदार पठाउनेमा तेस्रो स्थानमा थियो । यसले एक वर्षमै ३ हजार सय २७ कामदारलाई विदेश पठाएको थियो ।
Published on: 4 August 2019 | onlinekhabar
GET IN TOUCH