कार्यालयका निमित्त प्रमुख रमेश श्रेष्ठका अनुसार कार्यालय स्थापनासँगै गण्डकी प्रदेशसहित आसपासका बासिन्दालाई श्रम स्वीकृतिका लागि काठमाडौं जानुनपर्ने भएको छ । मन्त्रालयले वैदेशिक रोजगार विभागलाई विकेन्द्रित गर्ने उद्देश्यसहित सातवटै प्रदेशमा कार्यालय खोल्ने योजना बनाएको बताए । सोहीअनुरूप पोखरामा कार्यालय स्थापना भएको उनको भनाइ छ । पहिलो चरणमा कार्यालयबाट पुनः श्रम स्वीकृति मात्रै हुने र विस्तारै पूर्वस्वीकृतिसँगै विभागबाट हुने सबै काम पोखराबाटै हुने उनले जानकारी दिए । यसअघि मन्त्रालयले प्रदेश २ को जनकपुर र प्रदेश ५ को बुटवलमा कार्यालय स्थापना गरिसकेको छ ।